Description

Vitoria-Gasteizko Ingeniaritza Eskolak 2023-2024 ikasturteko ikasleen graduazioa egingo du, Eva Ferreira Euskal Herriko Unibertsitateko errektorea buru dela. Ikasturte horretan, guztira, 143 ikaslek amaitu dituzte ikasketak.

Era berean, titulazio bakoitzeko espediente onenarentzako saria eman eta Hutchinson-Industrias Técnicas de la Espuma enpresak Eskolako aitorpena jasoko du eskainitako lankidetza dela eta.

Errektoreaz gain, ekitaldian izango dira Ramiro González, Arabako ahaldun nagusia, Sonia Díaz de Corcuera, Gasteizko Udaleko zinegotzia, Manoli Igartua, UPV/EHUren Arabako Campuseko errektoreordea, María Purificación Barrio, Armiñóngo Hutchinson fabrikako giza baliabideen zuzendaria, Francisco Javier Forcada, Ekonomia eta Enpresa Fakultateko dekanordea, eta Zuriñe Gómez de Balugera, Gasteizko Ingeniaritza Eskolako zuzendaria.