Egitura Ekonomikoa Enpresen Administrazio eta Zuzendaritzako Graduko 2.mailako nahitaezko irakasgaia da, eta bigarren lauhilekoan irakasten da. Irakasgai honek aztertzen ditu ematen diren harreman ekonomikoak bai maila ezberdinetan (nazioartea eta lokala) bai eragile publiko eta pribatuen artean, eta baita askotariko sektore ekonomikoen artean ere. Irakasgai honen helburua ikaslegoa bere inguruko errealitate ekonomikora hurbiltzea da, nahitaezkoa den zorroztasun akademikotik baina era berean horren azterketa kritikoa gaineratuz.



Irakasgai hau egiteko aldez aurretik honako irakasagai hauek menperatu behar dira: (i) Matematika I: Matrizeak eta determinanteak; (ii) Ekonomiarako Sarrera II: Makroekonomiaren Oinarriak. Horrez gain, beharrezkoak dira ere oinarrizko ofimatika ezagutzak: Excel.

Irakasgai honetan lortu nahi diren gaitasunak honako hauek dira:



1. GAITASUNA: Bai maila globalean zein lokalean ekonomiako bilakaera eta egitura adierazten duten gakoak ulertuta, gaur eguneko errealitatea osotzen duten gertaera sozioekonomikoak interpretatzeko gaitasun analitikoa eta kritikoa garatu.

2. GAITASUNA: Errealitate ekonomikoa aztertzeko eta estimazioak egin ahal izateko, egiturazko analisirako tresnen erabilera menperatu.

3. GAITASUNA: Ikerketa zientifikorako trebetasunak lortu, hala nola, hipotesiak proposatu, informazio iturrien bilaketa eta tratamendua, talde-lana, diskurtso koherente, arrazoitu eta orekatua antolatu, hautatu eta eraikitzea.



ZEHARKAKO GAITASUNAK:



G5 / MAILA 2: TALDE-LANA: Taldean lan egiten jakitea, erantzukizunez eta errespetuz, ekimena eta lidergoa erakutsiz. Sormena, berrikuntza eta izaera ekintzailea. Taldeko kohesioari laguntzen dion eta modu konstruktiboan lan egiten duen baloratuko da.



G7 / MAILA 2,3: ANALISI ETA SINTESI GAITASUNA: Pentsamendu analitikorako eta hausnarketa kritikorako gaitasuna izan. Iturri desberdinetatik eskuratutako informazioa bilatzen, identifikatzen, aztertzen eta laburtzen jakin. Iritzi arrazoituak ematen jakin, lortutako datuak oinarritzat hartuta. Honako hau baloratuko da: testu konplexuetako ideiak eta kontzeptuak ea ondo identifikatzen diren, datu-multzo konplexuak ea interpretatzen diren, edo informazioa era sintetikoan aurkezteko taula eta grafiko egokiak ea hautatzen diren.



Azaldutako hiru gaitasunak ikerketa lanaren bitartez ebaluatuko dira. Gainera beste era honetan era ebaluatuko dira: alde batetik, idatzizko praktiken bitartez; eta bestetik, klasean egingo diren tertulien eta beraien inguruko iruzkinen bitartez.



Irakasgai honen bidez lortu nahi diren beste honako helburu hauek dira:

(i) Ikasleen parte-hartzea eta komunikaziorako abilezia landu.

(ii) Landuko ditugun gaien inguruan aktualitatearen jarraipena sustatu.

1. Gaia: Egiturazko Analisirako Teknikak

2. Gaia: Euskal Ekonomia

3. Gaia: Munduko Ekonomia Sistema

4. Gaia: Krisi ekonomikoa aztertzen

Irakasgai honetan metodo ezberdinak erabiliko dira. Irakasgaiko edukiak irakasleek klase magistraletan emandako azalpenen bitartez garatu egingo dira. Ikasgelan azaldutako eta eztabaidatutako den-dena izango da aztergai azken azterketan, eskola-orduetan partaidetza zein debatea bultzatuko direlarik, bai klase magistralen ondotik zein ikasleek egindako praktika eta/edo tertulien harira.



Klasean emandako azalpenen materialak ikasleek eskuragarri izango dituzte e-Gela plataforman (https://egela.ehu.eus/). Baita praktiketarako edo tertulietarako beharrezkoak izango diren beste edozein material ere bertan eskegiko dira. Irakasleak behar den momentuan emango du horren berri.



Lan autonomoa praktiken eta tertulien bidez sustatu egingo da, zeinen bitartez irakasgaiaren edukien aplikazio praktikoa garatu egingo den. Praktikak honako hauen bidez gauza daitezke: klasean jorratu diren ikasgaien inguruko galdera zehatzak, bideoen gaineko iruzkinak, artikuluak eta testu interesgarriak, etab. Tertuliei dagokienez, lauzpabost ikasleen artean tertulia edo eztabaida bat simulatu behar dute, aurretik emango zien testu batzuen inguruan eta horren iraupena 30-40 minututakoa izango da.



Koronabirusaren pandemia dela eta, irakasgai hau honela irakastea planifikatu da: euskarako taldean modu presentzialean ematea eta gaztelaniako taldean modu bimodalean (ikasle talde bat modu presentzialean jarraitu ahal izango dute eta gainerako ikasleek streaming bidez, astero taldeak txandakatuz). Ebaluazio frogak egoerak baimentzen badu modu presentzialean egingo dira. Plangintza hau Fakultateak ezarri beharreko egokitzapenetarai (teknikoak, baliabideak…) baldintzatuta dago.



Pandemiaren bilakaerari lotutako neurriek planteamendu hau aldatu dezakete. Hala ere, irakaskuntza eta ebaluazioa modu ez presentzialean tresna telematikoak erabilita egin ahal izango da. Horretarako eGelan irizpideak, jarraibideak eta tresnak ezarriko dira garaiz.

• Continuous Assessment System
• Final Assessment System
• Tools and qualification percentages:
  • Realization of Practical Work (exercises, cases or problems) (%): 45
  • Team projects (problem solving, project design)) (%): 20
  • AZKEN AZTERKETA (%): 35

Ebaluazio misto sistema honako honetan datza: eskola aldiko 15 asteetan ebaluazio jarraitua eta azterketa proba bat lauhileko amaieran. Azken proba honetan, ikasgelan ematen diren eduki guztiak aztertuko dira, baita tertulien ideia nagusiak ere.



Irakasgaiaren azken kalifikazioa era honetan lortuko da:

Ebaluazio jarraitua: %65, honako era honetan banatuta: ariketak, praktikak eta tertuliak, %45; taldeko ikerketa lana, %20.

Banakako azken froga: azken azterketa, %35.



Alabaina, irakasgaia gainditzeko honako baldintza hauek bete behar dira kalifikazioetan:

(A) Ikerketa lana (%20): derrigorrez gainditu behar da.

(B) Azterketa + Tertuliak + Ariketak (%80): derrigorrez gainditu behar da, 4 puntu edo gehiago lortuz.





% 100 EBALUAKETA.

Edonork izango du aukera azterketako egunean azterketa idatzia hasi baino lehen % 100 eko ebaluaketa mota aukera ahal izateko. Kasu horretan, azterketa idatziaren kalifikazioa irakasgaiko azken kalifikazioaren %100 izango da; azterketa hori bi zatitan banatzen da: test azterketa (%80) eta egiturazko analisiaren tekniken inguruko ariketak ordenagailu gelan (%20). Zati bakoitza gainditu beharko da irakasgaia gainditzeko.



Deialdiari uko egiteko nahikoa da azken azterketa idatzira ez aurkeztearekin.



Ebaluaketa jarraituan irakasgaia gainditu ez bada, hurrengo kurtsoari begira, Ikerketa Lanaren (A) zatia gaindituz gero nota hori gorde egiten da. Era berean, Ariketa +Tertulia +Azterketaren (B) zatia gaindituz gero, atal horren zatia ere gordetzen da. B zatia gainditu ez bada edo %100ko ebaluaketa hautatuz gero, ariketa eta tertulien puntuak ez dira gordetzen ikasturte batetik bestera.



COVID-19

Osasun egoerak hala eskatzen badu eta azken proba zuzenean egin ezin bada, eGelan eskuragarria egongo den ebaluazio ez-presentzialeko planean zehaztutako prozedura aktibatuko da.

Bigarren edo ez-ohiko deialdian ebaluaketa irizpideak deialdi arruntaren berberak izango dira. Ariketa eta tertulietan lortutako puntuak kurtsoaren zehar mantentzen dira.



Deialdiari uko egiteko nahikoa da azken azterketa idatzira ez aurkeztearekin.





COVID-19

Osasun egoerak hala eskatzen badu eta azken proba zuzenean egin ezin bada, eGelan eskuragarria egongo den ebaluazio ez-presentzialeko planean zehaztutako prozedura aktibatuko da.

Klasean banatuko diren materialak edota e-Gela plataforman (https://egela.ehu.eus/) utziko direnak.

Basic bibliography

BERZOSA, Carlos, P. BUSTELO y J. de la IGLESIA, Estructura económica mundial. Síntesis, Madrid 2001.ETXANO, I., Ekonomia eta iraunkortasuna: Oinarriak eta aplikazioak, UEU, Bilbao, 2015.

JUBETO et al. Euskal Herriko ekonomia, UEU, 2002 .

MUÑOZ CIDAD, C., Las cuentas de la nación. Introducción a la economía aplicada (2ª edición), Editorial Cívitas, 2000.

ZURBANO et al. (coord.): Ekonomia globala. Gizarte globalerako oinarri berriak. UEU, Bilbao, 2010.

In-depth bibliography

ALVÁREZ et al.: Fracturas y crisis en Europa. Clave Intelectual, Madrid, 2013.
BARCENA et al. (coord.): Energía y deuda ecológica. Transnacionales, cambio climático y alternativas. Icaria, Barcelona, 2009.
BARRUTIA, X. Espainiako ekonomiaren sarrera, UPV/EHU, Leioa, 2003.
GARCÍA DE LA CRUZ, J.M. y DURÁN ROMERO, G. (coord.), Sistema económico mundial. Thomson, Madrid 2005.
NAVARRO, M. Espainiako ingurune ekonomikoa eta lehiakortasuna, Deustuko Unibertsitatea, 2006.
PHILLIPS, T. (ed.), Bajo el yugo neoliberal: Crisis de la deuda y disidencias en las periferias europeas, Akal, Madrid 2016.
SUTCLIFFE, B., 100 imágenes de un mundo desigual. Icaria e Intermón, Barcelona 2005.
ZURBANO, M., Munduko Ekonomia. UEU, Bilbao, 1998.

Journals

Ekonomiaz
Larrun
Revista de Economía Crítica
Revista de Economía Mundial

Web addresses

http://www.ine.es
http://eustat.es
http://www.imf.org
http://www.europa.eu/eurostat
http://www.undp.org/spanish/
http://www.bancomundial.org/
http://unctad.org/es/paginas/Home.aspx
http://www.imf.org/EXTERNAL/SPANISH/INDEX.HTM