Liburu baten azalaren diseinua diskurtso bisualtzat hartuta eta azal bat testuinguru jakin batean kokatutako «testutzat» hartuta, workshop hau pentsaera sortzailearen oinarrian dagoen prozesua bideratzeko beharrezkoa den giro intelektual eta praktiko batean garatu nahi da. «Zerbaitekin zerbait egitera», hau da, esku hartzera, proiektatzera, eraikitzera, beste zentzu bat ematera, eta abarrera… bultzatzeko premisa oinarritzat hartuta, objektu arrunten katalogo bat izango da abiapuntu, eta beren egunerokotasunetik atera eta jatorrizko testuingurutik isolatuko dira berrinterpretatzeko. Hortik aurrera, hunkitzen, astintzen, kupitzen eta nahasten gaituzten ideiak xurgatzeko objektu horiek duten ahalmena hartuko da kontuan. Objektuak esanahi ezberdinekin lotuko ditugu, gauzak eta horien esanahia pentsaera zorrotzaren bitartez eraldatuko ditugu, ohikoa dena irudimenezkoa denarekin lotuko duen eta ezereza ezohikoa denetik bereiziko duen jolasa sortuz. Azken batean, diseinuzko produktuak sortzeko prozesu baten bitartez, horixe baitira berez liburu azalak, ulertuko dugu diskurtso bisualek gainditu egin behar dutela espero dena, benetan komunikatzaileak diren zentzu berriak piztu daitezen.

Leire Fernández eta Eduardo Herrera Arte Ederretako doktoreak dira, eta UPV/EHUko Arte Ederren Fakultateko diseinu grafikoko irakasleak. «Diseinu Grafikoko eta Tipografiako "Letraz" - UPV/EHU Ikertaldea» izenekoaren zuzendariak dira, eta bertan lortutako emaitzei buruzko artikulu ugari argitaratu dituzte aldizkarietan, bai eta liburuak ere, besteak beste, honako hauek: «Prozesu sortzailea kartelen diseinu grafikoan», «Letrak ikusi, entzun eta sentitu» eta «Diseño de cubiertas de libros. Recursos de retórica visual». «Arantzazu Letraz Gunea» eta «ehuDiseinuaren Campusa» diseinu grafikoaren unibertsitate-proiekzioko guneen sortzaileak eta zuzendariak dira. Testurako tipografiarik onenari Diseinuaren, Brandingaren eta Komunikazioaren Nazioarteko «Clap Platinum» saria eta Argitaratze Kalitatearen «Juan de Yciar» saria jaso dituzte, eta Diseinu Iberoamerikarraren Biurteko «BID_16» sarirako izendatu dituzte.

Izen-ematea

Dado el número limitado de participantes en el Workshop se establece el siguiente sistema de inscripción:

20 noviembre: fecha límite para el envío de solicitudes de inscripción. Se enviará un email a la dirección tipografia@ehu.eus indicando:

· Nombre y Apellidos
· Profesión o Titulación
· Dirección postal
· Email
· Teléfono
· Breve curriculum (máximo de 300 caracteres con espacios), en el que pueden especificarse: estudios realizados, experiencia profesional, página web de referencia, situación actual, intereses…

22 noviembre: se contestará a las solicitudes aceptadas

Enric Jardí Elisava eskolako irakaslea da. Gaur egun Eina eskolako «Tipografia Aurreratua» masterraren zuzendaria eta Ramon Llull Unibertsitateko "Publizitateko Arte Zuzendaritza" masterreko irakaslea da. «Propaganda» estudioaren eta «Type-Ø-Tones» tipografia taldearen sortzailea da. Tipografiaren arloan lan egiteaz gainera, batez ere aldizkariak, liburuen azalak eta irudi korporatiboak diseinatzen egiten du lan. ADG-FAD Diseinatzaile Grafikoen eta Arte Zuzendarien Elkarteko lehendakaria izan da. «Veintidós consejos sobre tipografía (que algunos diseñadores jamás revelarán) y veintidós cosas que nunca debes hacer con las letras (que algunos tipógrafos nunca te dirán)» eta «Pensar con imágenes» liburuak argitaratu ditu. Kataluniako Generalitatearen Kultura Sari Nazionala jaso du Diseinua atalean.

Argazki-galeria

Flickr