Munduko Landareen I. Azoka

Bost kontinenteetako landareen I. azoka egin da 2015ko urriaren 24an eta 25ean UPV/EHUko Arboretumean.

Azokaren antolatzaileak Bizkaiko Foru Aldundiko Iraunkortasuna eta Ingurune Naturala Zaintzeko Saila eta Euskal Herriko Unibertsitatea izan dira, eta laguntzaileak, berriz, Leioako eta Erandioko udalak eta BBKren Gizarte Ekintza.

Helburu hauek lortu nahi izan dira:

• Ezagutzera ematea landareen garrantzia, hala ingurugiroaren zaintzaile gisa nola pertsonen bizitzarako beharrezkoak diren zenbait zikloren erregulatzaile gisa.
• Hiritarrak sentsibilizatzea gure lorategietan zein gure basoetan dauden landareak zaintzearen premiaz, egungo baliabide naturalak aprobetxatzeko aukera emango duen gestio jasangarri eta errespetagarria aplikatuta, etorkizuneko belaunaldiak arriskuan jarri gabe.
• Landareak eta, oro har, gune berdeak zaintzeko ezagutzak eta teknikak irakastea.
• Landareen erabilerari buruzko informazioa ematea, bai eta landareetatik ateratzen diren produktu naturalei buruzkoa ere, nabarmenduta pertsonentzat duten balioa.
• Ekoizleen urteroko azoka sortzea, hiritarrengana hurbiltzeko aukera izan dezaten.

Azoka UPV/EHUko Arboretumean egin da, 2008. urtean zabaldu zen ingurune paregabean. Arboretuma hiritar guztiei dago irekita eta 19 hektareako azalera dauka, hiru kilometroko bideen bitartez lotuak. 130 espezietako 1.700 zuhaitz daude bertan. Arboretuma, gainera, gune babestua da 2012. urtetik eta aldundiak hainbat basa animalia askatu ditu bertan: basahateak, zapelatz liztorjaleak, belatzak, apo hontzak, Harris zapelatzak, urubiak, kirikinoak, apoarmatu korrontezaleak eta abar (Arboretumari buruzko informazio gehiago web orri honetan: 
www.ehu.eus/eu/web/bizkaia/arboretum)

 

27 ekoizlek etorri dire eta euren bildumak aurkeztu dizkigute.

Bost kontinenteetako landareak miretsi eta erosi ahal izan ditugu, oso prezio onean.

Gehienak ezezagunak dira gure latitudean, baina erraz hazi ahal izango ditugu lorategi eta balkoietan.
Inguru pribilegiatu batean kokatuta zegoen azoka, EHUko Arboretumean hain zuzen, Leioako campusean. Leku horrek sekulako interesa du botanikari eta landarezaleentzat.

Azokaren esparruan bertan bisitariek indarrak berritu dituzte hemengo produktuak dastatuz, eta Arboretumeko zidorretan zehar paseoan ibili dira. Umeentzako jolasgunea ere izan da.
Animatu nahi zaituztegu, etorkizuneko edizioetan, ordu atsegin batzuk pasatzera Bizkaiko naturagune ederrenetariko batean.
 

• Aparkalekuak: antolatzaileek bi aparkaleku atondu zituzten Arboretumaren inguruetan.
• Ordutegia: goizeko 10etatik arratsaldeko 6ak arte.
• Sarrerak: sarreraren prezioa euro bat izan zen (12 urtetik beherako umeentzat dohainik) eta azoka sarreran erosi zen
• Doako autobus zerbitzua : Metroz etortzen ziren bisitariek, Erandiotik (Astrabudua metro geltokian eta Iturri-bengoan) eta Leioatik (Leioa metro geltokian eta Boulebarrean) UPV/EHUerainoko doako autobus zerbitzu bat izan zen. Autobus zerbitzua izan zen larunbatean eta igandean 10:00 etatik 18:00 arte .
   

.